Monday, September 12, 2011

ဂျင်းရှပ်နှင့်ပေါင်းစပ်ကြည့်ခြင်း



ရှုပ်ထွေးပွေလီလှသည့် မြန်မာသမိုင်းကြောင်းထဲမှ ရှေလျှားထွေပြားလှသည့်တော်လှန်ရေးတိုက်ပွဲအတွင်း
ရေတွက်ရန်မစွမ်းနှိုင်တော့သည့် အသက်ကိုစတေးခဲ့ကြသူများ။ခြေလက်ကိုယ်အင်္ဂါတို့အား ဖြတ်
တောက်၍လှူဒါန်းခဲ့ကြသူများ။တချိုံ့ ကမျက်စိ၊ တချို့ ကနားတရွက် ဖြင့် ပါရမီဖြည့်စွက်ခဲ့ကြသူများ။ခြောက်တိုက်
မှာလောက်ကိုက်ခံရသူတွေနှင့်အကျဉ်းတိုက်မှာရိုက်နှက်ခံရသူများ။ကိုယ့်အိုးကိုယ့်အိမ်တွေက်ို စွန့်၍ ဒုက္ခသည်
ဘ၀ကို မျှဝေခံစားနေကြရသူတွေ။ဤအခြေအနေသည်ကား ကျနော်တို့၏ အားနည်းချက်လော။တော်လှန်ရေး၏ ကျ
ရှုံးခြင်းလော။
အခွင့်ထူးခံသက်ဦးဆံပိုင်ဘုရင်ဧကရာဇ်တို့၏ ရက်စက်ကြေကွဲဘွယ်ရာအမိန့်အာဏာများနှင့်ပရမ်းပတာအလွဲ
သုံးစားကိုယ်ကျိုးရှာသူ မူးမတ်ဗိုလ်ပါနောက်လိုက်တစုတို့အား သုတ်သင်ဖယ်ရှား၍  ပြည်သူအများ၏မဲဆန္ဒ
ဖြင့်ရွေးကောက်တင်မြှောက်သော ဒီမိုကရေစီအခြေခံအုဠ်မြစ်ကြီးကို မြင့်မြတ်သည့် ဂရိစစ်သူကြီး ပယ်ရီကလီ မှ
BC 600 ခန့်ကတည်းက ချမှတ်အကောင်အထည်ဖေါ်ခဲ့သော်လည်း ယနေ့အထိ မတွေ့မမြင်ရသေးသည်မှာ ကျနော်
တို့၏ လုံ့လမဲ့မှုလော။ အစဉ်အဆက်တို့၏တာဝန်မဲ့မှုလော။
၁၉၄၈ ခုနှစ် ဒီဇင်္ဘာလ ၁၀ နေ့ကတည်းက နိုင်ငံပေါင်း (၄၈)နိုင်ငံကထောက်ခံမဲပေးပြီး ကြားနေမဲ (၈)နိုင်ငံ နှင့် ကန့်ကွက်မဲမရှိဘဲ ပြင်သစ်နိုင်ငံ ပဲ၇စ်မြို့၌ ကမ္ဘာ့ကုလသမဂ္ဂအထွေထွေညီလာခံမှ အတည်ပြုပြဌာန်းခဲ့သည့် လူ့
အခွင့်အရေးတို့သည်အဘယ်နည်း။တချို့ကသိသယောင်။များမြောင်လှသောလူတွေကလုံးဝနားမလည်။ကိုယ့်ကို
ကိုယ်လူရည်လည်ထင်နေသူများကိုမေးကြည့်တော့ သိစရာမလိုပါဘူးလို့ ဖြေကြတယ်။ဤကဲ့သို့သောအနေအထား
ကား ကျွန်တော်တို့တော်လှန်ရေးအင်အားစုတို့၏ နမော်နမဲ့နိုင်မှုလော။သို့မဟုတ် တော်လှန်ရေးအင်အားစုတို့၏ ကျ
ရှုံးရခြင်းအကြောင်းလော။
ယနေ့မြန်မာပြည်တွင်းရှိ ပြည်သူတချို့တို့သည်ကိုယ့်အရှင်ကိုယ့်သခင်တို့က်ုတမ်းတလျှက်၊တချို့ပြည်သူ
တွေက အကြွင်းမဲ့အာဏာရှင်စစ်ဘီလူးကြီးတွေကိုယုယလျှက်၊အတော်များများကတော့ အာဏာဆိုသည်မှာသေနတ်
ပြောင်းဝကလာတယ်လို့ယုံကြည်နေကြလျှက်ရှိခြင်းကား ကျွန်တော်တို့တော်လှန်ရေးအင်အားစုတို့၏ လမ်ညွှန်မှုအားနည်းချက်ကြောင့်ပေလော။သို့မဟုတ် တော်လှန်းရေးစုစည်းမှုအင်အား၏ ချို့ယွင်းချက်ကြောင့်လော။
လွတ်လပ်ရေးအတွက်စွန့်လွှတ်သူ။ဒီမိုကရေစီရေးအတွက်အနစ်နာခံသူ။လူ့အခွင့်အရေးအတွက်စတေးခံသူ
အမျိုးသားရေးအတွက်ပေးဆပ်နေသူ။ကောင်းမြတ်သောအမှုကိစ္စအ၀၀တို့၌ရဲရင့်စွာတိုက်ပွဲဝင်ခဲံကြသူရဟန်းရှင်နှင့်
ကျောင်းသားပြည်သူတို့၏သမိုင်းအစဉ်ကိုမှတ်တမ်းတင်ဖို့နေနေသာသာ ရေတွက်ရန်ပင်လွန်စွာခဲယဉ်းပါ၏။သို့သော်
လူ့အခွင့်အရေးကိုအာမခံသည့်ဒီမိုကရေစီနှင့်လွပ်လပ်ရေးကားအဘယ်မှာနည်း။တော်လှန်ရေး၏ပင်မအချက် အဂ္ဂဗျူဟာ
၏အားနည်းချက်လော။မောင်းနှင်သူမဲံ့သည့်မဟာဗျူဟာ၏ပရမ်းပတာကျမှုလော။
ပေါက်ပင်ဘာကြောင့်ကိုင်းရတယ် ဆိုသည့်ကဗျာသည် ကျနော်၏ ဆရာတဆူပင်ဖြစ်၍လာပါတော့သည်။
ပြဿနာတရပ်ကိုချဉ်းကပ်ရန် လမ်းညွှန်မှု ပြုထားသည့် ဤ ပေါက်ပင်ဘာကြောင့်ကိုင်းရတယ် ကဗျာထဲမှ (why)
ပေါင်းမြောက်များစွာက ကျနော်၏ခေါင်းထဲမှာခြာခြာလည်နေခဲ့တာကလည်းကြာခဲ့ပြီ။ဒီတခါ မှာတော့
စာရွက်တွေပေါ်မှာအန်ထုတ်လိုက်ရခြင်းဖြစ်သည်။အဖြေသည်ကားများလှပါ၏။သို့သော် ရှုပ်ထွေးနေဆဲပင်ဖြစ်သည်။
နိုင်ငံတကာမှကယ်တင်ရှင်တို့အားမျှော်မှန်းတမ်းတနေသူ။အခြေအနေအားလေ့လာသုံးသပ်နေသူ။
ဒီမိုကရေစီအားညှိုးနွမ်းစေသူ။လူ့အခွင့်အရေးတို့အားအကြီးတန်
စေသူ။တော်လှန်ရေးအား ဂုဏ်နိမ့်စေသူ။အစဉ်အလာသမိုင်းရခေါင်းငုံ့နေသူ။ကိုယ်ကျိုးစီးပွါးအားထားနေသူ။အ
ပြစ်ဒါဏ်ပေးခြင်းအားကြောက်အားသန်သူ။သူတော်ကောင်းတရားပွါးများနေသူ။သူခိုးတို့အားဓါးရိုးကမ်းပေးနေသူ။
မိမိကိုယ်မိမိယုံကြည်စိတ်တွေပျောက်ဆုံးနေသူ။စသည့်ဤအစဉ်အလာတို့သည်ကား အာဏာရှင်တို့အား တန်ခိုးထွားစေသည့်မူလအကြောင်းရင်းများဖြစ်သလို တော်လှန်ရေးအင်အားစုတို့၏ကျရှုံးခြင်းအကြောင်းရင်းပင်
ဖြစ်ပေ၏။

ဤစာစုသည်ကျနော်ဖြတ်သန်းခဲ့ဘူးသောတော်လှန်ရေးဖြစ်စဉ်တို့းအားအခြေပြု၍ ကျနော်လေ့လာသင်ယူခဲ့
ဘူးသော(Gene Sharp) ဂျင်းရှပ်၏ နိုင်ငံရေးအံတုမှုဖြစ်စဉ်တိုင်းတွင် အကြမ်းမဖက်လှုပ်ရှားမှုတို့ဖြင့် တိုက်ပွဲဝင်သည့်
ဘာသာရပ်ဖြင့်ပေါင်းစပ်သုံးသပ်ထားခြင်းဖြစ်ပါသည်။၇ည်ရွယ်ချက်၏အဓိကပစ်မှတ်သည် ကျနော်ကဲ့သို့သော အ
ညတြတော်လှန်ရေးသမားများအတွက် မိမိကိုယ်မိမိယုံကြည်စိတ်ချစွာမောင်းနှင်နိုင်မည့်ပင်ကိုယ်စွမ်းရည်မြင့်မားရေး
နှင့် မဟာခေါင်းဆောင်ကြီးများမှ အညတြတော်လှန်ရေးသမားတို့၏သဘောသဘာဝကို ရှင်းလင်းစွာသိထားရေးတို့
ပင်ဖြစ်ပါသည်။
ကျနော့နည်းတူ  ယုံကြည်ချက်ဖြင့်ခရီးဆက်နေသ၊ူချီတက်နေသူ၊ဦးဆောင်နေသူ၊နောက်လိုက်လိုသူ
ရဟန်းကျောင်းသားနှင့်တိုင်းရင်းသားညီအကိုမောင်နှစ်များသည်လည်းမိမိ၏အမှား။မိမိ၏အားနည်းချက်။
မိမိတို့၏အယူအဆ။မိမိတို့၏သဘောထားတို့အားပြန်လည်သုံးသပ်၍ ဖွင့်ဟပြောဆိုခြင်း။ေ၇သားတင်ပြခြင်း။
ဝိုင်းဖွဲ့ဆွေးနွေးခြင်း။အခြားသူတို့အမြင်သဘောထားကိုကြိုဆိုခြင်း။အပြန်အလှန်လေးစားခြင်းတို့ဖြင့် တော်လှန်ရေးကိုစတင်နိုင်ရန် ကျနော်တတ်အားသမျှ ဝေငှခြင်းပင်ဖြစ်ပါ၏။
ဤစာစုတွင် အားနည်းချို့ယွင်းချက်များပါရှိပါက ကျနော်၏ညံ့ဖျင်းမှုသာဖြစ်ပါသည်။ကျနော်အား သင်ကြား
ညွှန်ပြပေးထားသူဆရာများနှင့်လုံဝမသက်ဆိုင်ပါကြောင်းကိုလည်းဝန်ခံထားရပေမည်။Gene Sharp ရေးသားပြုစု
သည့် “WAGING NONVIOLENT STRUGGLE”စာအုပ်သည် တော်လှန်ရေး၏အင်အား။တော်လှန်ရေး၏နည်းနာ။
သွက်လက်ဖျတ်လတ်သောလှုပ်ရှားမှု။ပေါ့ပေါ့ပါးပါးပျော်ရွှင်စရာစွန့်စားခန်းများနှင့်လူတိုင်းအားအလွယ်တကူပါဝင်
လာနိုင်မှု။အများ၏ယုံကြည်လေးစားမှု။စည်းစနစ်မှန်ကန်မှုနှင့်တာဝန်ယူမှု။အရင်အနှီးနှင့်ပေးဆပ်မှုအနည်းပါးဆုံး
တော်လှန်ရေးမှသည် ငြိမ်းချမ်းစွာဖြင့်ဒီမိုကရေစီအသွင်ကူးပြောင်းရေးဆီသို့ ဦးတည်ထားခြင်းဖြစ်သည်။
အမှန်တိုင်းဆိုရပါလျှင် ဤအကြမ်းမဖက်တော်လှန်ရေးဘာသာရပ်အားသင်ယူပြီနောက် ကျနော်၏လှုပ်ရှား
မှုတိုင်းသည် ထိရောက်သည်။သွက်လက်သည်။အချိတ်အဆက်အ၀င်အထွက်တိကျသည်။ပစ်မှတ်တွေကိုအလွယ်တ
ကူရွေးချယ်နိုင်သည်။တည့်တည့်မတ်မတ်ပစ်ခတ်နိုင်သည်။စိတ်ဝင်စားဘွယ်စွန့်စားခန်းတွေတသီတတန်းကြီးကို အေးအေးဆေးဆေးဖြတ်ကျော်နိုင်ခဲ့သည်။တိုက်ပွဲထဲမှထွက်ပေါ်လာသည့် သူရဲကောင်းများစွာတို့နှင့်သစ္စာရှိရှိတိုက်ပွဲ
ဝင်ခဲ့ဘူးပါပြီ။သို့သော် အောင်ပွဲနှင့်ကားလွဲခဲ့ရသည်။ပန်းတိုင်သည်ကားအလှမ်းဝေးနေဆဲပင်ဖြစ်သည်။
အဘယ်ကြောင့်နည်း။(why)ပေါင်းမြောက်များစွာတို့ဖြင့်အဖြေရှာရင်းမှ အလင်းတန်းတချက်က ဖြတ်ခနဲခေါင်း
ထဲပေါ်လာသည်။ကေသရာဇာ ခြင်္သေ့ကိုဖမ်းဖို့ဆိုလျှင်တောကျွမ်းရပေမည်။သူတို့၏အမူအကျင့်နှင့်စရိုက်ကိုလေ့လာရ
မည်။အားသာချက်အားနည်းချက်ကိုရှာ၍သူတို့၏အကြိုက်နှင့်သူတို့၏အငိုက်ကိုလည်းတွက်ချက်နိုင်ရမည်ဖြစ်ပေသည်။
ထို့အတူ အာဏာရှင်စနစ်ကို တိုက်ဖျက်ပစ်လိုပါက အာဏာ၏သဘောသဘောဝကိုသိထားရပေမည်။အာ
ဏာ၏ရေသောက်မြစ်တွေကအဘယ်အရပ်မှာ အမြစ်တွယ်လေ့ရှိသနည်း။အာဏာကိုရှင်သန်စေသည့် မြေဆီမြေနှစ်
တွေကဘယ်လိုအမျိုးအစားတွေဖြစ်လေသနည်း။(why)ဘာကြောင့်ရှင်သန်နေရလေသနည်း။သစ်တုံး၏အကြောအ
မြှင်ကို သိသောပါးနပ်လိမ္မာသူသည် ပေါက်ဆိန်တချက်တိုင်းမှာ အစိတ်စိတ်အမွှာအမွှာကွဲထွက်သွားရဘိသကဲ့သို့
အာဏာရှင်၏အားနည်းချက်တွေကိုတိတိကျကျရွေးချယ်ရှာဖွေပစ်ခတ်ဖြိုခွင်းနိုင်စွမ်းရှိသော(GeenSharp)ဂျင်းရှပ်၏ အကြမ်းမဖက်တော်လှန်ရေးနည်းနာများနှင့်အထွေထွေဗဟုသုတတို့အား ကျနော်ကဲ့သို့သော အညတြတော်လှန်ရေး
သမားတိုင်း စနစ်တကျ သင်ယူတတ်မြောက်စေချင်လှပါ၏။

မပြီးပြတ်သေးသည့်တော်လှန်ရေး၊ဂဃနဏမရှိသေးသည့်အဂ္ဂဗျူဟာ၊စည်းချက်ဝါးချက်မညက်ညောသေးသည့်မဟာဗျုဟာနှင့်စည်းလုံးမှုလျှော့ရဲနေသည့်လူမျိုးရေးသံယောဇဉ်ကြီုးများဖြင့်တိုက်ပွဲဝင်နေကြသည့်ရဲဘော်ရဲဘက်အပေါင်းတို့သည်
မိမိကိုယ်ကိုမိမိအပြည့်အ၀ယုံကြည်မှုဖြစ်ပေါ်လာရေးနှင့်အချိန်အခါအားလျှော်စွာကိုယ်တိုင် မဟာဗျူဟာချမှတ်၍ တော်သင့်မှန်ကန်သော နည်းဗျူဟာ(tactis)ကိုရွေးချယ်ပြီး အကြမ်းမဖက်သော
လုပ်ရှားမှုနည်းနာ(Mothods of action)တွေကို စွန့်စားမှုနည်းပါးသောလှုပ်ရှားမှု(Low risk action)တို့ဖြင့် မိမိပတ်ဝန်းကျင်ကို ဦးဆောင်နိုင်ကြမည်ဟုလည်းယုံကြည်ပါသည်။
အဂ္ဂဗျူဟာ(Green stractigy) ကို ကိုင်တွယ်ဖို့ဆိုတာကတော့ အညတြတယောက် အတွက်မဖြစ်နိုင်သေး
ဘူးလို့ယူဆပြီး တိုင်းရင်းသားပြည်သူတရပ်လုံး၏ယုံကြည်အားထားခံရသူတို့သာဖန်တီးနိုင်တဲ့ဗျူဟာဖြစ်တဲ့အတွက်
အကြယ်မချဲ့လိုတော့ပါ။
ဂျင်းရှပ်၏ အကြမ်းမဖက်တော်လှန်ရေးဘာသာရပ်အား ( တရပ်တရွာမှာတယောက်) ကျွမ်းကျင်စွာတတ်
မြောက်သောနေ့သည် အာဏာရှင်တို့၏နောက်ဆုံးနေ့ဖြစ်သည်။စစ်မှန်သောဒီမိုကရေစီနှင့်လု့အခွင့်အရေးတို့အား
အာမခံသည့် ဖက်ဒရယ်ပြည်ထောင်စုကြီးကို ငြိမ်းချမ်းသာယာစွာ တည်ထောင်နိုင်သောနေ့ဖြစ်မည်ဟု ကျနော်
လေးလေးနက်နက် ယုံကြည်လျှက်ရှိပါ၏။အဘယ့်ကြောင့်ဆိုသော်----------------
ရှေ့လမှဆက်ပါဦးမည်
မင်းတိက္ခ



No comments: